Qazaqstan Prezidenti Qasym-Jomart Toqaev Máskeýde ótken Ujymdyq qaýipsizdik týraly shart uiymy (UQShU) Ujymdyq qaýipsizdik keńesiniń kezekti otyrysyna qatysty, dep habarlaidy dalanews.kz.
Sammitke Resei Prezidenti Vladimir Pýtin, Belarýs Prezidenti Aleksandr Lýkashenko, Qyrǵyzstan Prezidenti Sadyr Japarov, Tájikstan Prezidenti Emomali Rahmon jáne UQShU Bas hatshysy Taalatbek Masadykov qatysty.
Otyrys barysynda memleket basshylary UQShU aiasyndaǵy yntymaqtastyqtyń negizgi máselelerin talqylap, uiymnyń 2026 jyly atqarǵan jumysynyń qorytyndysyn shyǵardy. Sondai-aq aldaǵy kezeńdegi qyzmettiń basym baǵyttaryn aiqyndap, halyqaralyq jáne óńirlik qaýipsizdiktiń ózekti máseleleri jóninde pikir almasty.
Qasym-Jomart Toqaev qonaqjailyq tanytqany úshin Vladimir Pýtinge alǵys aityp, Resei tarapynyń biyl UQShU-ǵa nátijeli tóraǵalyq etkenin atap ótti.
Qazaqstan Prezidenti halyqaralyq terrorizmge, esirtki zattarynyń zańsyz ainalymyna qarsy kúres jáne aqparattyq qaýipsizdikti nyǵaitý baǵyttarynda kúsh-jigerdi biriktirý qajet ekenin aitty. Sondai-aq jasandy intellekt tehnologiialarynyń yqpaly artyp kele jatqanyn eskerip, osy saladaǵy qaýipsizdik máselelerine nazar aýdardy.
Sóz sońynda Qasym-Jomart Toqaev UQShU-ǵa kelesi kezeńde tóraǵalyq etetin Tájikstan Prezidenti Emomali Rahmondy quttyqtap, oǵan jaýapty missiiany atqarýda tabys tiledi.
