Abý-Dabide Resei, AQSh jáne Ýkraina arasyndaǵy eki kúndik kelissóz aiaqtaldy, dep habarlaidy dalanews.kz.
Alty saǵatqa sozyldy
Kelissózderdiń birinshi kúni tórt saǵatqa sozyldy. Búgin, 11 qarashada, taǵy eki saǵat jalǵasty.
Ýkrainadaǵy jaǵdaidy retteý jónindegi úshjaqty kelissózderde Resei delegatsiiasyn basqarǵan Vladimir Medinskiidiń aitýynsha, kezdesý "qaqtyǵysty retteý máseleleri boiynsha taraptardyń ustanymdaryn tyńdaýmen" aiaqtalǵan. Negizgi taqyryp Eýropadaǵy bolashaq qaýipsizdik júiesi bolǵan. Taraptar keibir máseleler boiynsha ortaq túsinikke kelgen. Alaida naqty qandai máseleler ekeni aitylmady.
Sondai-aq, qatysýshylar aýmaqtyq máselelerdi, Ýkrainaǵa beriletin qaýipsizdik kepildikterin jáne NATO-nyń keńeiýine jol bermeý máselesin talqylaǵan. Bul taqyryptar boiynsha da naqty kelisimge kelgen-kelmegeni belgisiz.
Ámirliktegi ádemi jiynnan soń atys toqtamaityn boldy
Aldaǵy eki-úsh aptada taraptar myń adamnan almasady. Bitimgershilik kelisimine nemese atysty toqtatý týraly ýaǵdalastyqqa qol jetkizilgen joq.
Buǵan deiingi kelissózder
2026 jyldyń basynan beri Resei, AQSh jáne Ýkraina kelissózderdiń úsh kezeńin ótkizdi: ekeýi Abý-Dabide, bireýi Jenevada ótti. Aqpandaǵy kezdesýdiń basty naqty nátijesi taraptardyń árqaisy 157 adamnan, jalpy 314 tutqyndy almasýy boldy.
