10 qarashada shamamen saǵat 17:30-da Petropavl qalasyndaǵy «102» arnasyna Jumysshy kentiniń turǵynynan 13 jastaǵy ulynyń joǵalyp ketkeni týraly habarlama tústi. Bala tańerteń úiden shyǵyp, qaityp oralmaǵan. Ózimen birge uialy telefony bolmaǵan, dep habarlaidy dalanews.kz.
Jasóspirimdi izdeýge patrýldeýde bolǵan politsiianyń keshendi kúshteri baǵyttaldy. Barlyq qyzmetter, onyń ishinde jedel áreket etý arnaiy otriadynyń jaýyngerleri jumyldyryldy. Jumysshy kenti men onyń tóńiregindegi aýmaqtardy tekserý úshin úsh dron kóterildi. Ortalyq jedel basqarý pýnktiniń inspektorlary beinebaqylaý kameralarynyń jazbalaryn qadaǵalady.
Olarmen birge Petropavl q. PB Ekinshi politsiia bóliminiń jedel ýákili Tórebek Kalelov jumys istedi. Ol kamera jazbalarynan balany anyqtap, onyń Jumysshy kentiniń shetindegi Zaitsev kóshesine deiingi júrgen jolyn baqylap otyrdy.
Shamamen saǵat 18:30 jasóspirim bir úidiń janynda ornatylǵan dekorativti peshke tyǵylyp otyrǵan. Keiin bala, politsiia qyzmetkerlerine peshte jylynyp, uiyqtap qalǵanyn túsindirdi. Quqyq qorǵaý organdary ony taýyp, aman-esen úiine alyp keldi. Ata-anasy politsiia qyzmetkerlerine shyn júrekten alǵys aitty.
Bala buǵan deiin úiden óz erkimen ketpegen. Jasóspirimniń is-áreketine sebep bolǵan jaǵdailardy kámeletke tolmaǵandar isi jónindegi mamandar anyqtap jatyr. Qazirgi ýaqytta politsiia qyzmetkerleri ata-anamen jáne balamen túsindirme jumystaryn júrgizdi.
