Almatyda jańa metro beketiniń qurylysy júrip jatqan aýmaqta kólik qozǵalysynyń syzbasy ózgeredi, dep habarlaidy dalanews.kz.
Almatyda metronyń birinshi jelisiniń úshinshi kezegin iske asyrý jobasy aiasynda №1 bekettiń qurylysy júrgiziletin aýmaqta jol qozǵalysynyń syzbasy ózgeredi.
Qalalyq kólik infraqurylymyn damytý basqarmasy málimetinshe, №1 beket Alataý dańǵyly boiynda, Abai dańǵylynan soltústikke qarai ornalasady.
Osyǵan bailanysty 13 qarashadan bastap qurylys jumystary aiaqtalǵanǵa deiin Alataý dańǵylynyń Abai dańǵylynan Ulyqbek kóshesine deiingi bóliginde kólik qozǵalysy shekteledi. Bul aýmaqtan jańadan salynǵan ainalma jol arqyly ótýge bolady.
Eske salaiyq, metronyń birinshi jelisiniń úshinshi jobasy aiasynda uzyndyǵy shamamen 5,3 shaqyrym bolatyn aralyq tonnelder men úsh beket salý kózdelgen.
№2 beket Alataý dańǵyly boiynda, bolashaqta salynatyn Tóle bi kóshesimen qiylysatyn aýmaqta ornalasady. Al №3 beketti "Barlyq" bazary aýmaǵynda salý josparlanyp otyr.
