الماتىدا جاڭا مەترو بەكەتٸنٸڭ قۇرىلىسى جٷرٸپ جاتقان اۋماقتا كٶلٸك قوزعالىسىنىڭ سىزباسى ٶزگەرەدٸ, دەپ حابارلايدى dalanews.kz.
الماتىدا مەترونىڭ بٸرٸنشٸ جەلٸسٸنٸڭ ٷشٸنشٸ كەزەگٸن ٸسكە اسىرۋ جوباسى اياسىندا №1 بەكەتتٸڭ قۇرىلىسى جٷرگٸزٸلەتٸن اۋماقتا جول قوزعالىسىنىڭ سىزباسى ٶزگەرەدٸ.
قالالىق كٶلٸك ينفراقۇرىلىمىن دامىتۋ باسقارماسى مەلٸمەتٸنشە, №1 بەكەت الاتاۋ داڭعىلى بويىندا, اباي داڭعىلىنان سولتٷستٸككە قاراي ورنالاسادى.
وسىعان بايلانىستى 13 قاراشادان باستاپ قۇرىلىس جۇمىستارى اياقتالعانعا دەيٸن الاتاۋ داڭعىلىنىڭ اباي داڭعىلىنان ۇلىقبەك كٶشەسٸنە دەيٸنگٸ بٶلٸگٸندە كٶلٸك قوزعالىسى شەكتەلەدٸ. بۇل اۋماقتان جاڭادان سالىنعان اينالما جول ارقىلى ٶتۋگە بولادى.
ەسكە سالايىق, مەترونىڭ بٸرٸنشٸ جەلٸسٸنٸڭ ٷشٸنشٸ جوباسى اياسىندا ۇزىندىعى شامامەن 5,3 شاقىرىم بولاتىن ارالىق توننەلدەر مەن ٷش بەكەت سالۋ كٶزدەلگەن.
№2 بەكەت الاتاۋ داڭعىلى بويىندا, بولاشاقتا سالىناتىن تٶلە بي كٶشەسٸمەن قيىلىساتىن اۋماقتا ورنالاسادى. ال №3 بەكەتتٸ "بارلىق" بازارى اۋماعىندا سالۋ جوسپارلانىپ وتىر.
