شىمكەنت قالاسىندا كٶپقاباتتى تۇرعىن ٷيدەن ٶرت شىعىپ, 67 جاستاعى ەر ادام كٶز جۇمدى. كٶرشٸلەرٸنٸڭ ايتۋىنشا, مارقۇم تٶسەكتە تەمەكٸ شەگٸپ جاتىپ ۇيىقتاپ قالعان بولۋى مٷمكٸن, دەپ حابارلايدى dalanews.kz.
قايعىلى وقيعا تٷنگٸ ۋاقىتتا شىمكەنتتٸڭ تەرٸسكەي شاعىن اۋدانىنداعى كٶپقاباتتى ٷيلەردٸڭ بٸرٸندە بولعان. الدىمەن تۇرعىندار ٷشٸنشٸ قاباتتاعى پەتەردەن شىققان تٷتٸننٸڭ يٸسٸن سەزگەن. ولار ٷي يەسٸنە حابار بەرۋ ٷشٸن ەسٸگٸن قاققانىمەن, ٸشتەن ەشكٸم جاۋاپ قاتپاعان.
كەيٸن وقيعا ورنىنا ٶرت سٶندٸرۋشٸلەر شاقىرىلعان. تٶتەنشە جاعدايلار قىزمەتٸنٸڭ ماماندارى تۇرعىن ٷيگە جەدەل جەتٸپ, ادامداردى قاۋٸپسٸز جەرگە شىعارۋعا كٸرٸسكەن. ٶرت كەزٸندە عيماراتتان سەگٸز ادام ەۆاكۋاتسييالانعان.
قۇتقارۋشىلار ٶرتەنٸپ جاتقان پەتەردٸڭ ەسٸگٸن بۇزىپ اشقان. ٶرتتٸ سٶندٸرۋ بارىسىندا ٷي ٸشٸنەن 67 جاستاعى ەر ادامنىڭ مەيٸتٸ تابىلعان. ونىڭ دەنەسٸن وت شارپىعان.
كٶرشٸلەرٸنٸڭ ايتۋىنشا, قايتىس بولعان ەر ادام پەتەردە جالعىز تۇرعان. تۇرعىندار ونىڭ ٸشٸمدٸك ٸشەتٸنٸن ايتىپ, ٶرتتٸڭ شىعۋىنا تەمەكٸ تۇقىلى سەبەپ بولۋى مٷمكٸن دەگەن بولجام بٸلدٸرگەن. مارقۇمنىڭ كٶرشٸسٸ ۇلجان قارتانوۆا بولعان جاعداي تۋرالى ايتىپ بەردٸ.
"جالعىزباستى ەر ادام, بٸر ٶزٸ تۇراتىن. بالا-شاعاسىن بٸلمەيمٸن, بار ما, جوق پا... تۇرعانىنا تٶرت جىلداي بولىپ قالدى. ٷنەمٸ اراق ٸشەتٸن. تەمەكٸ شەگٸپ جاتىپ ۇيىقتاپ قالىپ, اياعى ٶرتەنٸپ قايتىس بولعان", – دەدٸ ول.
