Oralda jedel basqarý ortalyǵynyń beinebaqylaý kameralary arqyly Depo kópirinde jol qozǵalysy erejelerin buzý deregi anyqtaldy, dep habarlaidy dalanews.kz.
Tekserý barysynda toi kortejinde júrgen eki Toyota Alphard avtokóliginiń liýkterinen eki jas jigittiń denelerin syrtqa shyǵaryp, artta kele jatqan kólikterdi foto jáne videoǵa túsirgeni belgili boldy. Oqiǵa keshki qarbalas ýaqytta, kólik qozǵalysy qarqyndy kezde bolǵan.
Jastar kópir ústinde qozǵalyp kele jatqan avtokólikterdiń liýkterinen bastaryn shyǵaryp qana qoimai, áserli kadrlar túsirý úshin denelerin syrtqa qarai qatty eńkeitip, qoldaryn sozǵan. Mundai áreketter olardyń óz ómiri men densaýlyǵyna ǵana emes, jol qozǵalysynyń basqa da qatysýshylaryna qaýip tóndirgen. Politsiia qyzmetkerleri atalǵan avtokólikterdi dereý toqtatyp, tekserý júrgizdi.
