Abai oblysynda 8,3 mln teńge jymqyrǵan býhgalter sottaldy, dep habarlaidy dalanews.kz.
Abai oblysy Jarma aýdanynyń prokýratýrasy balalar men jasóspirimder sport mektebiniń qyzmetkerlerine jalaqy zańsyz eseptelgenin anyqtady.
"Jarma aýdandyq balalar men jasóspirimder sport mektebi" KMK býhgalteri eki jyl boiy óziniń jáne mekeme is júrgizýshisiniń bank shottaryna jalaqyny zańsyz túrde artyq eseptep otyrǵan. Zańsyz áreket saldarynan memleketke jalpy somasy 8,3 mln teńge zalal kelgen.
Tergeý barysynda býhgalter óz kinásin moiyndap, memleketke keltirilgen zalaldy tolyq kólemde ótegen.
Jarma aýdandyq sotynyń úkimimen ol iri mólsherde alaiaqtyq jasaǵany úshin kináli dep tanylyp, 3 jylǵa bas bostandyǵy shekteldi jáne 5 jyl merzimge belgili bir laýazymdardy atqarý quqyǵynan aiyryldy.
Sot úkimi zańdy kúshine endi.
