Shieli aýdanynyń prokýratýrasy investordyń ótinishin qaraý merzimin negizsiz sozý, onyń quqyqtaryn shekteý jáne tiisti sheshim qabyldaýdan bas tartý faktisin anyqtady, dep habarlaidy dalanews.kz.
Atap aitqanda, «VIGOR Holding» JShS-ne jumys jobasynda kózdelgen injenerlik dáliz sheginde Shieli kentiniń aýmaǵynda ornalasqan jer ýchaskelerine jariia servitýt belgileý qajettiligi týyndaǵan. Osyǵan bailanysty investor Shieli kentiniń ákimdigine tiisti aýmaqqa jariia servitýt belgileý týraly qaýly qabyldaý jóninde ótinishpen júgingen. Alaida Shieli kentiniń ákimi ótinishti qanaǵattandyrýdan negizsiz bas tartqan.
Prokýratýranyń aralasýy nátijesinde investorǵa jariia servitýt belgileý týraly tiisti qaýlynyń qabyldanýyna yqpal etý arqyly kómek kórsetilgen. Sonymen qatar kent ákimi Qazaqstan Respýblikasynyń Ákimshilik quqyq buzýshylyq týraly kodeksiniń 173-babynyń 1-bóligi boiynsha ákimshilik jaýaptylyqqa tartyldy.
