QMA Soltústik Qazaqstan oblysy boiynsha departamenti «Qyzyl-Jar SQ» fýtbol klýby» JShS-niń burynǵy prezidenti Loriia Grigorii Otarovichke memleketaralyq izdeý jariialady, dep habarlaidy dalanews.kz.
Loriia Grigorii Otarovich 1954 jylǵy 18 naýryzda týǵan, Qazaqstan Respýblikasynyń azamaty, Grýziia Respýblikasynyń Gýdaýta qalasynyń týmasy. Ol jalpy somasy 414 mln teńgeden astam biýdjet qarajatyn jymqyrdy jáne salyq tóleýden jaltardy degen kúdikke ilingen.
2023 jyly fýtbol klýbynyń qyzmetin qarjylandyrýǵa jergilikti biýdjetten 1,7 mlrd teńge bólingen.
Tergeý deregine sai, kúdikti bas býhgaltermen jáne ózge de tulǵalarmen aldyn ala sóz bailasyp, jalǵan qarjylyq qujattardy paidalanǵan, qarajattyń jeke shottarǵa negizsiz aýdarylýyn uiymdastyrǵan. Sondai-aq býhgalterlik jáne salyq eseptiligine kórineý jalǵan málimetterdiń engizilýin qamtamasyz etken.
Atap aitqanda, salyq deklaratsiialarynda qyzmetkerlerdiń tabysy, eńbekaqy tóleý qory jáne uiymnyń jyldyq jiyntyq tabysy tómendetilip kórsetilgen.
Eger izdeýde júrgen azamattyń qaida ekeni týraly qandai da bir aqparat bilseńiz, Qarjylyq monitoring agenttigine habarlaýyńyzdy suraimyz. Bailanys telefondary: +7 (7172) 70-84-78 — kezekshi bólim.
