Jeltoqsan oqiǵasyna qatysýshylardy áleýmettik jelide balaǵattaǵan 52 jastaǵy Violetta Parshinaǵa izdeý jariialandy. Oǵan ultaralyq arazdyqty qozdyrdy degen aiyp taǵylyp otyr, dep habarlaidy dalanews.kz.
Izdeý týraly aqparat 10 qarashada tirkelgen. Qazir áieldi Almaty qalasy Bostandyq aýdanynyń politsiia basqarmasy izdestirip jatyr.
Eske salaiyq, oqiǵa 2026 jyldyń sáýirinde bolǵan. Sol kezde Violetta Parshina Threads áleýmettik jelisinde Jeltoqsan oqiǵasyna qatysýshylardy «maskúnem», «aqymaq», «aýyldyń máńgúrtteri» dep ataǵan jazba jariialaǵan. Onyń bul pikiri qoǵamda úlken narazylyq týdyryp, jeli qoldanýshylary áieldiń ústinen shaǵym túsirgen.
Keiin politsiia ony anyqtap, bólimshege jetkizgen. Janjaldan soń Parshina jarnama agenttigindegi jumysynan da aiyrylǵan. Al qazir oǵan izdeý jariialanyp otyr.
