Qazaqstanda PhD doktoranttarynyń ai saiynǵy stipendiiasyn 2029 jylǵa deiin 500 myń teńgege deiin arttyrý josparlanyp otyr. Bul týraly Ǵylym jáne joǵary bilim ministri Saiasat Nurbek Quryltaida ótken brifingte málimdedi, dep habarlaidy dalanews.kz.
Ministrdiń aitýynsha, qazir PhD doktoranttary ai saiyn shamamen 260 myń teńge stipendiia alady. Sońǵy bes jylda onyń mólsheri eki ese ósken. Aldaǵy ýaqytta bul baǵyttaǵy jumys jalǵasady.
«2029 jylǵa deiin stipendiia 500 myń teńgege deiin ósedi. Bizde osyndai jospar bar», - dedi Saiasat Nurbek.
Onyń sózinshe, bul bastama jas ǵalymdardy qoldaýǵa baǵyttalǵan. Budan bólek, memleket jas zertteýshilerdi baspanamen qamtamasyz etýge de kómektesip keledi.
«Memleket basshysynyń qoldaýymen jas ǵalymdar baspanaly bolyp jatyr. Sońǵy eki jylda 813 jas ǵalym turǵyn úimen qamtamasyz etildi», - dedi ministr jýrnalisterdiń suraqtaryna jaýap bere otyryp.
