Almaty áýejaiynyń baspasóz qyzmeti qaiǵyly oqiǵaǵa qatysty túsinikteme berdi. Qaza tapqan adam qurylys jumystaryn júrgizip jatqan merdiger uiymnyń qyzmetkeri ekeni naqtylandy, dep habarlaidy dalanews.kz.
"Qurylys jumystary júrgizilip jatqan perron ýchaskesinde jazataiym oqiǵa boldy. Almaty áýejaiy ýákiletti memlekettik organdarǵa kómektesip, tergeý aiasynda olarmen birlesip jumys istep jatyr", - dep habarlady baspasóz qyzmeti.
Sondai-aq, tergeý aiaqtalǵanǵa deiin qosymsha aqparat berilmeitini aityldy.
Almaty halyqaralyq áýejaiy qaza tapqan adamnyń týǵan-týystary men jaqyndaryna kóńil aitty.
