Atyraý qalasy ákiminiń orynbasary Meiirjan Muqasov óz erkimen qyzmetinen bosatyldy. Sheneýniktiń ornyna jańa orynbasar taǵaiyndaldy, dep habarlaidy dalanews.kz.
Atyraý qalasy ákimdiginiń baspasóz qyzmeti Meiirjan Muqasovtyń qyzmetten ketkenin rastady. Osyǵan bailanysty qala ákiminiń jańa orynbasary qyzmetine Aidýlat Kenjebekov taǵaiyndalǵan.
Jańa orynbasarǵa ishki saiasat, qarjy, ekonomika jáne biýdjettik josparlaý, jumyspen qamtý, sondai-aq áleýmettik baǵdarlamalar salalaryna jetekshilik etý mindeti júkteldi.
Aidýlat Kenjebekov buǵan deiin Atyraý oblysynyń energetika jáne turǵyn úi-kommýnaldyq sharýashylyq basqarmasyn basqarǵan.
Jańa ákim orynbasary týraly ne belgili?
Aidýlat Kenjebekov 1987 jyly Atyraý oblysynda dúniege kelgen.
2008 jyly Halel Dosmuhamedov atyndaǵy Atyraý ýniversitetin "Memlekettik jáne jergilikti basqarý" mamandyǵy boiynsha támamdaǵan.
Eńbek jolyn sol jyly oblystyq energetika jáne kommýnaldyq sharýashylyq basqarmasynda josparlaý-shart bóliminiń bas mamany mindetin atqarýshy bolyp bastaǵan.
Keiin atalǵan mekemede bas maman, bólim basshysy jáne basqarma basshysynyń orynbasary qyzmetterin atqarǵan.
2019-2022 jyldary Qyzylqoǵa aýdany ákiminiń orynbasary bolyp jumys istegen. Al 2022 jyldyń jeltoqsanynan bastap Atyraý oblysynyń energetika jáne turǵyn úi-kommýnaldyq sharýashylyq basqarmasyn basqardy.
Endi ol Atyraý qalasy ákiminiń orynbasary retinde birneshe mańyzdy salaǵa jaýapty bolady.
