Qazaqstandyqtardyń jartysynan astamynda kútpegen shyǵynǵa jumsaityn jinaq joq. Ulttyq bank júrgizgen saýalnamaǵa qatysýshylardyń 58 paiyzy aqsha jinamaitynyn aitqan, dep habarlaidy dalanews.kz.
Zertteý 2026 jylǵy qazanda júrgizilgen. Oǵan 18 jastan asqan 1,5 myń adam qatysqan. Saýalnama nátijesi boiynsha respondentterdiń 28,8 paiyzynda ǵana jinaq bar.
Qyrkúiekte jinaǵy joq turǵyndardyń úlesi 60,3 paiyz bolǵan. Bir aidyń ishinde bul kórsetkish 58 paiyzǵa deiin tómendegen. Alaida el turǵyndarynyń basym bóliginde áli de qarjylai qor joq.
Saýalnamada otbasylardyń ai saiynǵy tabysy da zerttelgen. Qatysýshylardyń 30,4 paiyzy otbasynyń jalpy kirisi 150-300 myń teńge aralyǵynda ekenin kórsetken. Taǵy 23,4 paiyzy aiyna 300-500 myń teńge tabady. Al otbasylyq tabysy 500 myń teńgeden asatyndardyń úlesi 13,8 paiyzdy quraǵan.
Respondentterdiń 12,9 paiyzy otbasynyń ailyq tabysy 100-150 myń teńge aralyǵynda ekenin aitqan. Qatysýshylardyń shamamen 15 paiyzy aiyna 100 myń teńgeden az qarajatqa kún kóredi.
Zertteý turǵyndardyń qarjylai jaǵdaiy qalai ózgergenin de kórsetti. Qatysýshylardyń 48,9 paiyzy keiingi bir jylda turmysy burynǵy deńgeide qalǵanyn aitqan. Al 31,3 paiyzy qarjylyq jaǵdaiynyń nasharlaǵanyn jetkizgen. Turmysy jaqsarǵandardyń úlesi 14,8 paiyz bolǵan.
