ál-Farabi atyndaǵy Qazaq ulttyq ýniversitetinde stýdent qaza tapty. Búgin Quryltaida ótken brifingte ǵylym jáne joǵary bilim ministri Saiasat Nurbek osy jaǵdaiǵa qatysty pikir bildirdi, dep habarlaidy dalanews.kz
Ministr ne dedi?
"Biz birden qamqorshylarymen bailanysqa shyqtyq. Ýniversitet barlyq shyǵyndy óz moinyna aldy. Barlyq qarajatty, tólemderdi de ótedik. Qandai da bir kómek qajet bolsa, ákesimen de, qamqorshylarymen de tikelei bailanystamyz. Bizden talap etilgen barlyq áreketti oryndadyq. Sotqa deiin tergeý organdarynyń áreketi týraly aqparat jariialanbaýy kerek", - dedi ministr BAQ ókilderine.
Stýdenttiń ólimi týraly ne belgili?
Aita keteiik, jelide taraǵan aqparatqa súiensek, birinshi kýrs stýdenti 6 qarashada keshke QazUÝ qalashyǵynda qaza tapqan. BAQ málimetinshe, qyz Almatyǵa Shymkentten kelgen.
Almaty politsiiasy qylmystyq is qozǵady. Qazir tergeýshiler oqiǵanyń mán-jaiyn anyqtap jatyr. Ázirge istiń egjei-tegjeii jariialanǵan joq.
