Mańǵystaý oblysy ákiminiń burynǵy orynbasary, memleket jáne qoǵam qairatkeri Rahymbek Ámirjanov 62 jasynda ómirden ótti. Qaraly habarǵa bailanysty Túpqaraǵan aýdanynyń ákimdigi marqumnyń otbasyna kóńil aitty, dep habarlaidy dalanews.kz.
Rahymbek Ámirjanovtyń qaitys bolǵany týraly aqparat Túpqaraǵan aýdany ákimdiginiń Facebook jelisindegi resmi paraqshasynda jariialandy.
Aýdan ákimdigi, ardagerler keńesi jáne qoǵamdyq keńes ókilderi marqumnyń týǵan-týystary men jaqyndaryna qaiǵyra kóńil aityp, onyń óńirdiń damýyna qosqan úlesin erekshe atap ótti.
Ákimdik ókilderiniń málimdeýinshe, Rahymbek Ámirjanov sanaly ǵumyryn memlekettik qyzmetke arnap, Mańǵystaý oblysynyń áleýmettik-ekonomikalyq damýyna eleýli eńbek sińirgen. Ol qyzmet atqarǵan jyldary bilikti basshy, isker uiymdastyrýshy jáne el múddesine adal qyzmet etken azamat retinde tanylǵan.
Aýdan ákimdigi marqumnyń adamgershilik qasietteri men kásibi biliktiligi áriptesteri men zamandastarynyń jadynda saqtalatynyn jetkizdi. Sondai-aq Rahymbek Ámirjanovtyń ómir joly men atqarǵan eńbegi keiingi býynǵa úlgi ekeni atap ótildi.
