Óskemende aýadaǵy ziian zattardyń mólsheri taǵy da normadan asty

Óskemende aýadaǵy ziian zattardyń mólsheri taǵy da normadan asty
matriks-pres

Óskemende aýadaǵy ziian zattardyń mólsheri taǵy da normadan asty, dep habarlaidy dalanews.kz.

Bul joly avtomatty stantsiialar shirigen jumyrtqanyń iisine uqsas ótkir iisi bar kúkirtsýtektiń mólsheri joǵarylaǵanyn anyqtaǵan. Qazgidromet málimetinshe, 10 qarashada aýadaǵy kúkirtsýtektiń mólsheri ruqsat etilgen normadan 1,178 ese asyp ketken. Al basqa lastaýshy zattardyń kórsetkishi belgilengen shekten aspaǵan.

Jaǵdaidy tymyq aýa raiy kúrdelendirgen. Aýa qozǵalysy baiaý bolǵandyqtan, ziian qospalar atmosferada baiaý taralyp, jerge jaqyn aýa qabatynda jinalýy múmkin.

Aita keteiik, kúkirtsýtek - ýly gaz. Onyń mólsheri joǵarylasa, kóz ben tynys alý joldaryn titirkendirip, bas aýyryp, júrek ainýy múmkin.