Qazan aiynda Qazaqstannyń ekinshi deńgeili bankteri birjadan tys naryqtan 40,8 mlrd dollar satyp aldy. Bul – 18,3 trln teńgege teń. Al satylǵan dollar kólemi 40,7 mlrd dollardy nemese 18,2 trln teńgeni qurady, dep habarlaidy dalanews.kz.
Dollar satyp alý men satýdyń 86%-y sheteldik bankterge, al 14%-y qazaqstandyq bankterge tiesili.
Bul - 2015 jyldan bergi eń joǵary kórsetkish. Dollar satyp alý kólemi 40 mlrd dollardan ekinshi ret asyp otyr. Máselen, qyrkúiekte 40,6 mlrd dollar bolǵan. Al satý kólemi bul mejeden alǵash ret asty.
Bankterdiń dollar saýdasyndaǵy belsendiligi 2025 jyldyń qazanynan beri joǵary deńgeide saqtalyp keledi. Keiingi 13 aida ai saiyn orta eseppen 34,8 mlrd dollar kóleminde operatsiia jasalǵan.
Rýbl men teńge arasyndaǵy saýda da 2024 jyldyń ekinshi jartysynan beri kóbeigen. Eýro men teńge boiynsha operatsiialar sońǵy 19 aidyń 17-sinde joǵary deńgeide boldy. Degenmen bul eki valiýta boiynsha saýda kólemi burynǵy rekordtyq kórsetkishterge jetken joq.
Al qazan aiynda iýanmen jasalǵan operatsiialar óte az boldy. Bloomberg derekkózderiniń boljamynsha, qazaqstandyq bankter sheteldik klientter úshin iýanmen mámilelerdi teńge arqyly emes, basqa valiýtalarmen júrgizýi múmkin. Sondyqtan mundai operatsiialar Ulttyq banktiń statistikasyna enbei qalýy yqtimal.
Sonymen qatar 2025 jyldyń qazanynan beri birjadaǵy dollar saýdasy da joǵary deńgeide qalyp otyr.
