قازان ايىندا قازاقستاننىڭ ەكٸنشٸ دەڭگەيلٸ بانكتەرٸ بيرجادان تىس نارىقتان 40,8 ملرد دوللار ساتىپ الدى. بۇل – 18,3 ترلن تەڭگەگە تەڭ. ال ساتىلعان دوللار كٶلەمٸ 40,7 ملرد دوللاردى نەمەسە 18,2 ترلن تەڭگەنٸ قۇرادى, دەپ حابارلايدى dalanews.kz.
دوللار ساتىپ الۋ مەن ساتۋدىڭ 86%-ى شەتەلدٸك بانكتەرگە, ال 14%-ى قازاقستاندىق بانكتەرگە تيەسٸلٸ.
بۇل - 2015 جىلدان بەرگٸ ەڭ جوعارى كٶرسەتكٸش. دوللار ساتىپ الۋ كٶلەمٸ 40 ملرد دوللاردان ەكٸنشٸ رەت اسىپ وتىر. مەسەلەن, قىركٷيەكتە 40,6 ملرد دوللار بولعان. ال ساتۋ كٶلەمٸ بۇل مەجەدەن العاش رەت استى.
بانكتەردٸڭ دوللار ساۋداسىنداعى بەلسەندٸلٸگٸ 2025 جىلدىڭ قازانىنان بەرٸ جوعارى دەڭگەيدە ساقتالىپ كەلەدٸ. كەيٸنگٸ 13 ايدا اي سايىن ورتا ەسەپپەن 34,8 ملرد دوللار كٶلەمٸندە وپەراتسييا جاسالعان.
رۋبل مەن تەڭگە اراسىنداعى ساۋدا دا 2024 جىلدىڭ ەكٸنشٸ جارتىسىنان بەرٸ كٶبەيگەن. ەۋرو مەن تەڭگە بويىنشا وپەراتسييالار سوڭعى 19 ايدىڭ 17-سٸندە جوعارى دەڭگەيدە بولدى. دەگەنمەن بۇل ەكٸ ۆاليۋتا بويىنشا ساۋدا كٶلەمٸ بۇرىنعى رەكوردتىق كٶرسەتكٸشتەرگە جەتكەن جوق.
ال قازان ايىندا يۋانمەن جاسالعان وپەراتسييالار ٶتە از بولدى. Bloomberg دەرەككٶزدەرٸنٸڭ بولجامىنشا, قازاقستاندىق بانكتەر شەتەلدٸك كليەنتتەر ٷشٸن يۋانمەن مەمٸلەلەردٸ تەڭگە ارقىلى ەمەس, باسقا ۆاليۋتالارمەن جٷرگٸزۋٸ مٷمكٸن. سوندىقتان مۇنداي وپەراتسييالار ۇلتتىق بانكتٸڭ ستاتيستيكاسىنا ەنبەي قالۋى ىقتيمال.
سونىمەن قاتار 2025 جىلدىڭ قازانىنان بەرٸ بيرجاداعى دوللار ساۋداسى دا جوعارى دەڭگەيدە قالىپ وتىر.
