Astanada Qytaidyń Ninbo qalasynyń mádeni jáne týristik áleýeti tanystyryldy. Is-shara barysynda Qazaqstan men Qytaidyń týristik kompaniialary men mádeniet uiymdary yntymaqtastyq týraly kelisimderge qol qoidy, dep habarlaidy dalanews.kz.
10 qarashada ótken «Sálem, Qytai!» jobasy aiasyndaǵy tanystyrylymǵa Qytaidyń Qazaqstandaǵy elshiliginiń ýaqytsha senimdi ókili Chen Kefan qatysty. Is-sharany Qytai Mádeniet jáne týrizm ministrligi Astanadaǵy Qytai mádeni ortalyǵynyń, qalalyq mádeniet, radio, televidenie jáne týrizm basqarmasynyń, sondai-aq Ninbo qalasynyń óner ujymdary tobynyń birlesken qoldaýymen uiymdastyrdy.
Jiynǵa 60-tan astam adam qatysty. Olardyń arasynda Qazaqstandaǵy Eýraziialyq týrizm qaýymdastyǵynyń ókilderi, eki eldiń týristik kompaniialary, mádeniet jáne týrizm salasynyń mamandary boldy.
Óz sózinde Chen Kefan sońǵy jyldary Qazaqstan men Qytai arasyndaǵy mádeni jáne týristik yntymaqtastyqtyń belsendi damyp kele jatqanyn atap ótti. Onyń aitýynsha, bul bailanystar eki el halyqtarynyń ózara túsinistigi men dostyǵyn nyǵaitýda mańyzdy ról atqarady.
Diplomat Qytai men Qazaqstannyń mádeniet jáne týrizm salasyndaǵy ókilderi atalǵan sharany eki el naryǵynyń áleýetin odan ári ashýǵa, yntymaqtastyq baǵyttaryn keńeitýge jáne praktikalyq ózara is-qimyldy tereńdetýge múmkindik retinde paidalanatynyna úmit bildirdi. Sondai-aq Qytai elshiligi ekijaqty yntymaqtastyqty damytýǵa qajetti qoldaý kórsetýge daiyn ekenin jetkizdi.
Is-shara aiasynda Ninbo qalasynyń delegatsiiasy óńirdiń mádeni jáne týristik áleýetin tanystyryp, vokaldyq jáne bi qoiylymdarynan turatyn kontserttik baǵdarlama usyndy.
Budan bólek, Qytai men Qazaqstannyń mádeniet jáne týrizm salasyndaǵy uiymdary men týristik kompaniialary yntymaqtastyq týraly kelisimderge qol qoidy.
