Ujymdyq qaýipsizdik týraly shart uiymyna (UQShU) múshe elder Armeniiany daýys berý quqyǵynan aiyrý týraly sheshim qabyldaǵan. Bul týraly Resei prezidentiniń baspasóz hatshysy Dmitrii Peskov málimdedi, dep habarlaidy dalanews.kz.
«Armeniia birneshe jyl boiy óz mindettemelerin oryndamaǵandyqtan, ony daýys berý quqyǵynan aiyrý, sondai-aq UQShU-daǵy jaýapty qyzmetterge óz ókilderin taǵaiyndaý quqyǵyn shekteý týraly sheshim qabyldandy», – dedi Kreml ókili.
Uiymnyń bas hatshysy Taalatbek Masadykov Armeniia múshelik jarnalar boiynsha bereshegin ótegen jaǵdaida óz quqyqtaryn qaitara alatynyn túsindirdi.
Málimetke sáikes, Erevan 2024 jyldan beri uiymǵa múshelik jarna aýdarmaǵan. UQShU jarǵysynyń 25-babyna sáikes, eger uiym biýdjeti aldyndaǵy bereshek eki jyldan asyp ketse, memleket daýys berý quqyǵynan aiyrylady. Alaida Armeniia ujymdyq qaýipsizdik kepildiginen aiyrylmaidy.
Buǵan deiin, tamyz aiynda Armeniia premer-ministri Nikol Pashinian eger el UQShU quramynan shyǵarylsa, «óte riza bolatynyn» málimdegen edi.
Onyń aitýynsha, Armeniia uiymǵa ózderin qyzyqtyrǵan barlyq suraqty qoiǵanymen, naqty jaýap ala almaǵan. Sondai-aq Pashinian aldaǵy bes jylda Erevan UQShU jumysyna qaita oralýdy nemese uiymdaǵy qatysýyn jandandyrýdy josparlap otyrmaǵanyn aitqan.
