Iran Islam revoliýtsiiasy saqshylar korpýsyna tiesili jańa jerasty zymyran keshenin kórsetti. El biligi bul nysandy qarý-jaraqty saqtaityn qoima ǵana emes, zymyrandar men ushqyshsyz ushý apparattaryn ornalastyrýǵa jáne óndirýge arnalǵan tutas áskeri qalashyq dep sipattady, dep habarlaidy dalanews.kz.
Keshenniń ashylýy kezinde Iran Qarýly kúshteri Bas shtabynyń bastyǵy Áli Abdollahi men Islam revoliýtsiiasy saqshylar korpýsy Áskeri-ǵarysh kúshteriniń qolbasshysy Madjid Mýsavi nysandy aralap, onyń daiyndyǵyn jáne zymyran ushyrý qondyrǵylaryn tekserdi.
Iran tarapynyń málimetinshe, baza taýdyń astynda, shamamen 500 metr tereńdikte ornalasqan. Jerasty býnkeri qýatty áýe soqqylaryna tótep bere alatyndai etip salynǵan. Degenmen keshenniń naqty ornalasqan jeri men tehnikalyq múmkindikteri týraly tolyq aqparat jariialanǵan joq.
Korpýs ókili Hosein Mohebbidiń aitýynsha, Iran zymyrandar men drondar óndirisiniń bir bóligin jer ústindegi kásiporyndardan qorǵalǵan jerasty nysandaryna kóshirgen. Osylaisha el qarý-jaraq saqtaityn qarapaiym qoimalardan áskeri tehnika óndiriletin ári ornalastyrylatyn "zymyran qalashyqtaryn" qurýǵa kóship jatyr.
