Atyraýda "QazAvtoJol" kompaniiasyna qarasty "QAJservis" JShS filialynyń burynǵy bas býhgalterine qatysty sot úkimi shyqty. Ol mekeme qarajatynyń 35 million teńgesin zańsyz iemdendi dep tanyldy, dep habarlaidy dalanews.kz.
Tergeý dereginshe, bas býhgalter ózine negizsiz tólemder eseptep, filialdyń qarjysyn jeke bank shotyna aýdaryp otyrǵan.
"Sot aiyptalýshyny kináli dep tanyp, bes jylǵa bas bostandyǵynan aiyrdy. Sonymen qatar oǵan bes jyl boiy materialdyq jaýapkershilikke bailanysty qyzmet atqarýǵa tyiym salyndy", – dep habarlady Bas kólik prokýratýrasy.
Sot "QAJservis" seriktestiginiń keltirilgen materialdyq zalaldy tolyq óndirip alý týraly talabyn da qanaǵattandyrdy.
Ázirge sot úkimi zańdy kúshine engen joq.
