Aqtóbede Áýe qorǵanysy kúshteri áskeri institýtynyń basshysy, aviatsiia general-maiory Timýr Espaǵanbetov pen onyń orynbasary, aviatsiia polkovnigi Rasýl Isahojaev ustaldy, dep habarlaidy dalanews.kz.
Hronika.kz málimetinshe, Timýr Espaǵanbetovke eleýli mólsherde para aldy degen kúdik keltirilgen. Ol Aqtóbe qalalyq politsiia basqarmasynyń ýaqytsha ustaý izoliatoryna qamaldy. Qylmystyq is Qylmystyq kodekstiń 366-babynyń 2-bóligi boiynsha tergelip jatyr.
Al institýt basshysynyń orynbasary Rasýl Isahojaev eleýli mólsherde para berdi degen kúdikpen ustalǵan. Oǵan qatysty tergeý Qylmystyq kodekstiń 367-babynyń 2-bóligi negizinde júrgizilýde.
Aldyn ala aqparatqa sáikes, joǵary laýazymdy áskeri qyzmetshilerge qatysty is jekemenshik kompaniia ókilderimen aradaǵy para berý jáne alý deregine bailanysty qozǵalǵan. Tergeý amaldaryn Aqtóbe oblysy boiynsha Ekonomikalyq tergep-tekserý departamentiniń qyzmetkerleri júrgizip jatyr.
Istiń ózge mán-jailary tergeý múddesine bailanysty ázirge jariialanǵan joq. Kúdiktilerdiń kináli nemese kinásiz ekeni sottyń zańdy kúshine engen úkimimen anyqtalady.
