Shyǵys Qazaqstan oblysynyń Altai aýdanynda "Kúmis jas" memlekettik baǵdarlamasyn júzege asyrý kezinde zańbuzýshylyq anyqtaldy. Bul joba 50 jastan asqan azamattardy jumyspen qamtýǵa baǵyttalǵan, dep habarlaidy dalanews.kz.
Prokýratýranyń málimetinshe, jumys berýshi keibir qyzmetkerler jumys ornyna múlde kelmese de, tabelde olardy tolyq jumys istedi dep kórsetken. Tipti jekelegen jumysshylardyń sol ýaqytta aýdan aýmaǵynan tys jerde bolǵany belgili boldy.
Soǵan qaramastan, memleket jumys berýshige olardyń jalaqysynyń 60-70 paiyzyn biýdjet esebinen ótep otyrǵan. Osylaisha kompaniia qyzmetkerlerdiń naqty jumys istegenin rastamastan, shamamen 4,6 mln teńge sýbsidiia alǵan.
Prokýratýra aralasqannan keiin tólemder qaita eseptelip, negizsiz berilgen 4,6 mln teńge memleketke tolyq qaitaryldy.
Alaida qarajatty qai uiym alǵany jáne zańbuzýshylyqqa jol bergen tulǵalardyń jaýapkershilikke tartylǵany týraly málimet jariialanǵan joq.
