Qazaqstanda avtokólik jýý kezinde aýyzsýdy paidalanýǵa baqylaý kúsheitiledi. Sý resýrstary jáne irrigatsiia ministrligi osyǵan bailanysty zańnamaǵa ózgeris engizýdi josparlap otyr, dep habarlaidy dalanews.kz.
Vitse-ministr Jandos Sálimniń aitýynsha, elimizdegi keibir kólik jýý oryndary tehnikalyq qajettilikke ortalyqtandyrylǵan júieden beriletin aýyzsýdy qoldanady. Endi ministrlik mundai nysandardy túgel tekserip, olardyń qaisysynda sýdy tazartyp, qaita paidalanýǵa múmkindik beretin ainalym júiesi bar ekenin anyqtamaq.
Qoldanystaǵy talap boiynsha avtokólik jýý oryndary paidalanylǵan sýdy birden tógip tastamai, arnaiy jabdyq arqyly tazartyp, qaita qoldanýǵa tiis. Bul aýyzsýdy únemdep, sýdyń orynsyz ysyrap bolýyna jol bermeý úshin qajet. Alaida atalǵan talapty barlyq kásipker birdei oryndamai otyr.
Osyǵan bailanysty ministrlik baqylaýdy kúsheitip, zań talabyn buzǵan avtokólik jýý oryndarynyń jaýapkershiligin arttyrýdy kózdeidi. Qazir basseindik sý inspektsiialary men sýmen jabdyqtaýshy mekemeler kásipkerlerge qoldanystaǵy erejelerdi túsindirip jatyr.
Jandos Sálim 2025 jyly qabyldanǵan Sý kodeksinde sý qoryn uqypty ári tiimdi paidalaný mindeti bekitilgenin atap ótti. Sondyqtan aldaǵy ýaqytta kólik jýýǵa aýyzsýdy jumsaýdy azaityp, sýdy qaita paidalaný júiesin keńinen engizýge basymdyq berilmek.
