Qazaqstanda avtokólikke qatysty alaiaqtyqpen ainalysqan qylmystyq toptyń áreketi toqtatyldy. Kúdiktiler kólikterdi jalǵan tulǵalardyń atyna rásimdep, keiin shetelge shyǵaryp, qaita satýmen ainalysqan. Bul týraly Ishki ister ministrligi málimdedi, dep habarlaidy dalanews.kz.
Aldyn ala málimet boiynsha, kúdiktiler avtokólikterdi ekinshi deńgeili bankter men mikroqarjy uiymdary arqyly jalǵan adamdardyń atyna kepilge rásimdegen. Kólikterdi alǵannan keiin Qazaqstannan tys jerlerge shyǵaryp, qaita satqan.
Osy tásilmen shetelge 56 avtokólik shyǵarylǵan.
Qylmystyq árekettiń jolyn kesý úshin Ishki ister ministrligi elimizdiń 10 óńirinde bir mezgilde jedel is-sharalar júrgizdi. Nátijesinde politsiia organdaryna 48 adam jetkizildi. Olardyń arasynda qylmystyq topty uiymdastyrdy degen kúdikke ilingen alty adam bar. Olar ýaqytsha ustaý izoliatoryna qamaldy.
Júrgizilgen jedel is-sharalar toptyń odan ári áreketine tosqaýyl qoiyp, jańa alaiaqtyq derekteriniń aldyn alýǵa múmkindik bergen.
Qazir istiń barlyq mán-jaiy anyqtalyp, shetelge shyǵarylǵan avtokólikterdi izdestirý sharalary júrgizilip jatyr. Tergeý Ishki ister ministrliginiń baqylaýynda.
Ministrlik «Zań men tártip» tujyrymdamasyn iske asyrý aiasynda azamattardy qyraǵy bolýǵa jáne alaiaqtardyń arbaýyna túspeýge shaqyrdy.
