قازاقستاندا اۆتوكٶلٸككە قاتىستى الاياقتىقپەن اينالىسقان قىلمىستىق توپتىڭ ەرەكەتٸ توقتاتىلدى. كٷدٸكتٸلەر كٶلٸكتەردٸ جالعان تۇلعالاردىڭ اتىنا رەسٸمدەپ, كەيٸن شەتەلگە شىعارىپ, قايتا ساتۋمەن اينالىسقان. بۇل تۋرالى ٸشكٸ ٸستەر مينيسترلٸگٸ مەلٸمدەدٸ, دەپ حابارلايدى dalanews.kz.
الدىن الا مەلٸمەت بويىنشا, كٷدٸكتٸلەر اۆتوكٶلٸكتەردٸ ەكٸنشٸ دەڭگەيلٸ بانكتەر مەن ميكروقارجى ۇيىمدارى ارقىلى جالعان ادامداردىڭ اتىنا كەپٸلگە رەسٸمدەگەن. كٶلٸكتەردٸ العاننان كەيٸن قازاقستاننان تىس جەرلەرگە شىعارىپ, قايتا ساتقان.
وسى تەسٸلمەن شەتەلگە 56 اۆتوكٶلٸك شىعارىلعان.
قىلمىستىق ەرەكەتتٸڭ جولىن كەسۋ ٷشٸن ٸشكٸ ٸستەر مينيسترلٸگٸ ەلٸمٸزدٸڭ 10 ٶڭٸرٸندە بٸر مەزگٸلدە جەدەل ٸس-شارالار جٷرگٸزدٸ. نەتيجەسٸندە پوليتسييا ورگاندارىنا 48 ادام جەتكٸزٸلدٸ. ولاردىڭ اراسىندا قىلمىستىق توپتى ۇيىمداستىردى دەگەن كٷدٸككە ٸلٸنگەن التى ادام بار. ولار ۋاقىتشا ۇستاۋ يزولياتورىنا قامالدى.
جٷرگٸزٸلگەن جەدەل ٸس-شارالار توپتىڭ ودان ەرٸ ەرەكەتٸنە توسقاۋىل قويىپ, جاڭا الاياقتىق دەرەكتەرٸنٸڭ الدىن الۋعا مٷمكٸندٸك بەرگەن.
قازٸر ٸستٸڭ بارلىق مەن-جايى انىقتالىپ, شەتەلگە شىعارىلعان اۆتوكٶلٸكتەردٸ ٸزدەستٸرۋ شارالارى جٷرگٸزٸلٸپ جاتىر. تەرگەۋ ٸشكٸ ٸستەر مينيسترلٸگٸنٸڭ باقىلاۋىندا.
مينيسترلٸك «زاڭ مەن تەرتٸپ» تۇجىرىمداماسىن ٸسكە اسىرۋ اياسىندا ازاماتتاردى قىراعى بولۋعا جەنە الاياقتاردىڭ ارباۋىنا تٷسپەۋگە شاقىردى.
