قازاقستاندا اۆتوكٶلٸك جۋۋ كەزٸندە اۋىزسۋدى پايدالانۋعا باقىلاۋ كٷشەيتٸلەدٸ. سۋ رەسۋرستارى جەنە يرريگاتسييا مينيسترلٸگٸ وسىعان بايلانىستى زاڭناماعا ٶزگەرٸس ەنگٸزۋدٸ جوسپارلاپ وتىر, دەپ حابارلايدى dalanews.kz.
ۆيتسە-مينيستر جاندوس سەلٸمنٸڭ ايتۋىنشا, ەلٸمٸزدەگٸ كەيبٸر كٶلٸك جۋۋ ورىندارى تەحنيكالىق قاجەتتٸلٸككە ورتالىقتاندىرىلعان جٷيەدەن بەرٸلەتٸن اۋىزسۋدى قولدانادى. ەندٸ مينيسترلٸك مۇنداي نىسانداردى تٷگەل تەكسەرٸپ, ولاردىڭ قايسىسىندا سۋدى تازارتىپ, قايتا پايدالانۋعا مٷمكٸندٸك بەرەتٸن اينالىم جٷيەسٸ بار ەكەنٸن انىقتاماق.
قولدانىستاعى تالاپ بويىنشا اۆتوكٶلٸك جۋۋ ورىندارى پايدالانىلعان سۋدى بٸردەن تٶگٸپ تاستاماي, ارنايى جابدىق ارقىلى تازارتىپ, قايتا قولدانۋعا تيٸس. بۇل اۋىزسۋدى ٷنەمدەپ, سۋدىڭ ورىنسىز ىسىراپ بولۋىنا جول بەرمەۋ ٷشٸن قاجەت. الايدا اتالعان تالاپتى بارلىق كەسٸپكەر بٸردەي ورىنداماي وتىر.
وسىعان بايلانىستى مينيسترلٸك باقىلاۋدى كٷشەيتٸپ, زاڭ تالابىن بۇزعان اۆتوكٶلٸك جۋۋ ورىندارىنىڭ جاۋاپكەرشٸلٸگٸن ارتتىرۋدى كٶزدەيدٸ. قازٸر باسسەيندٸك سۋ ينسپەكتسييالارى مەن سۋمەن جابدىقتاۋشى مەكەمەلەر كەسٸپكەرلەرگە قولدانىستاعى ەرەجەلەردٸ تٷسٸندٸرٸپ جاتىر.
جاندوس سەلٸم 2025 جىلى قابىلدانعان سۋ كودەكسٸندە سۋ قورىن ۇقىپتى ەرٸ تيٸمدٸ پايدالانۋ مٸندەتٸ بەكٸتٸلگەنٸن اتاپ ٶتتٸ. سوندىقتان الداعى ۋاقىتتا كٶلٸك جۋۋعا اۋىزسۋدى جۇمساۋدى ازايتىپ, سۋدى قايتا پايدالانۋ جٷيەسٸن كەڭٸنەن ەنگٸزۋگە باسىمدىق بەرٸلمەك.
