Aqtaýda erli-zaiypty sottaldy. Mańǵystaý oblysy prokýratýrasy ókilderi mán-jaidy aitty, dep habarlaidy dalanews.kz.
Sottyń 2026 jylǵy 25 qyrkúiektegi úkimimen erli-zaiypty Qylmystyq kodekstiń 194-baby (Qorqytyp alý) boiynsha kináli dep tanyldy.
Olar kúsh qoldanyp qorqytqany jáne bopsalaý arqyly intim qyzmet kórsetetin adamnyń klientteri týraly málimetti iemdengeni anyqtalǵan. Olar ózderin quqyq qorǵaý organdarynyń qyzmetkerleri retinde tanystyryp, jábirlenýshilerden 3 mln teńge talap etken.
Sot talqylaýy barysynda memlekettik aiyptaýshy aiyptaýdy qoldap, sottalýshylardyń kinásin rastaityn dálelderdi usynǵan.
Sot A.-ǵa 4 jyl 6 ai merzimge bas bostandyǵynan aiyrý jazasyn, al R.-ǵa jazany óteýdi 1 jylǵa keiinge qaldyra otyryp, 4 jyl merzimge bas bostandyǵynan aiyrý jazasyn taǵaiyndady.
Úkim zańdy kúshine engen joq.
