Qazaqstanda 2026 jyldyń úshinshi toqsanynda jumyssyzdyq deńgeii 4,5 paiyzdy qurady. Al el ekonomikasynda jumyspen qamtylǵan azamattardyń sany 9,4 millionnan asty. Bul ótken jyldyń sáikes kezeńimen salystyrǵanda 73,3 myń adamǵa kóp, dep habarlaidy dalanews.kz.
Ulttyq statistika derekterine sáikes, jumyspen qamtylǵan 9,4 million adamnyń 7,25 milliony (77,1%) jaldamaly jumysshylar bolsa, 2,16 milliony (22,9%) – ózin-ózi jumyspen qamtyǵandar. 15 jastan asqan halyqtyń jumyspen qamtylý deńgeii 64,3 paiyzǵa jetken.
Qazaqstandyqtar qai salada kóp jumys isteidi?
Jumyspen qamtylǵan azamattardyń basym bóligi saýda salasynda eńbek etedi. Bul saladaǵy jumysshylardyń úlesi 16,8 paiyz. Odan keiingi oryndarda bilim berý (13,3%), ónerkásip (12,6%) jáne aýyl sharýashylyǵy (10,5%) salalary tur.
Jastar arasyndaǵy jumyssyzdyq deńgeii qandai?
15–34 jas aralyǵyndaǵy jastar arasyndaǵy jumyssyzdyq deńgeii 2,9 paiyz boldy. Al NEET sanatyna jatatyn, iaǵni jumys istemeitin ári bilim almaityn jastardyń úlesi 5,6 paiyzdy qurady. Eńbek jáne halyqty áleýmettik qorǵaý ministrliginiń málimetinshe, 2026 jylǵy qyrkúiektiń sońynda jumyspen qamtý organdarynda 346,9 myń jumyssyz tirkelgen. Bul eldegi jumys kúshiniń 3,5 paiyzyna teń.
