Atasý - Alashankoý baǵytyndaǵy munai eksporty 2025 jylǵy kórsetkishke jetti, dep habarlaidy dalanews.kz.
2026 jylǵy alǵashqy 10 aida Atasý - Alashankoý munai qubyry arqyly 9,5 million tonnaǵa jýyq munai tasymaldanǵan. Onyń 8,4 million tonnasy Qazaqstan arqyly tranzitpen ótken.
"QazTransOil" málimetinshe, byltyr osy kezeńmen salystyrǵanda tasymal kólemi 297 myń tonnaǵa artqan. Ósimniń 240 myń tonnaǵa jýyǵy Qazaqstan munaiynyń eksporty esebinen qamtamasyz etildi. Eksport 28 paiyzǵa, tranzit 1 paiyzǵa ósti.
Qazanda osy baǵytpen 112 myń tonna munai jóneltildi. Osylaisha, 10 aidaǵy eksport kólemi 1,095 million tonnaǵa jetti. Bul 2025 jyldaǵy kórsetkishpen birdei. Al 2024 jyly osy baǵytpen shamamen 1,2 million tonna munai eksporttalǵan.
Aita keteiik, Atasý - Alashankoý qubyry 2006 jyly iske qosylǵan. Ol arqyly Qytaiǵa Qazaqstan munaiy jáne Resei munaiy tranzitpen jetkiziledi. "Rosneftpen" jasalǵan kelisim boiynsha 2033 jyldyń sońyna deiin jyl saiyn 10 million tonna reseilik munai tasymaldanady.
