Reseidiń Leningrad oblysyndaǵy Ýst-Lýga portyna jasalǵan dron shabýyly Qazaqstan munaiynyń eksportyna tikelei áser etpegen. Óitkeni bul port arqyly qazaqstandyq munai jóneltý shabýylǵa deiin-aq tehnikalyq shekteýlerge bailanysty toqtatylǵan. Bul týraly Energetika ministrliginiń baspasóz qyzmeti málimdedi, dep habarlaidy dalanews.kz.
11 qarashada Ýst-Lýga port aimaǵyna dron qulap, órt shyqqan. Leningrad oblysynyń gýbernatory Aleksandr Drozdenkonyń habarlaýynsha, órtti sóndirýge qajetti kúshter men quraldar jumyldyrylǵan. Sondai-aq porttaǵy transformatorlyq qosalqy stantsiia apatty jaǵdaida ajyratylǵan.
Ýst-Lýga porty Qazaqstan munaiyn eksporttaýǵa paidalanylatyn baǵyttardyń biri bolǵan. Alaida tehnikalyq shekteýlerge bailanysty bul marshrýt arqyly munai jóneltý ýaqytsha toqtatylǵan. Osyǵan deiin Qazaqstan Energetika ministrligi Reseidiń energetika vedomstvosyna hat joldap, port arqyly munai tasymalyn qaita bastaý máselesin kótergen. Bul týraly 5 qarashada «Interfaks-Qazaqstan» agenttigine berilgen jaýapta aitylǵan.
Ministrlik málimetinshe, atalǵan kólemdegi munai basqa eksporttyq baǵyttarǵa, sonyń ishinde Kaspii qubyr konsortsiýmy (KQK) júiesine qaita baǵyttalǵan.
«QazTransOil» derekterine sáikes, 2026 jylǵy shildede Ust-Lýga baǵytyna 286 myń tonna, tamyzda 200 myń tonna qazaqstandyq munai jóneltilgen. Port arqyly Qazaqstannyń kómiri, bidaiy jáne basqa da taýarlary da eksporttalǵan.
Qazirgi ýaqytta porttaǵy órttiń qazaqstandyq júkterdi aýystyryp tieýge arnalǵan infraqurylymǵa áser etkeni týraly rastalǵan aqparat joq. Sondai-aq dron shabýyly Qazaqstannyń eksporttyq jetkizilimderine yqpal etkeni jóninde málimet jariialanbaǵan.
