رەسەيدٸڭ لەنينگراد وبلىسىنداعى ۋست-لۋگا پورتىنا جاسالعان درون شابۋىلى قازاقستان مۇنايىنىڭ ەكسپورتىنا تٸكەلەي ەسەر ەتپەگەن. ٶيتكەنٸ بۇل پورت ارقىلى قازاقستاندىق مۇناي جٶنەلتۋ شابۋىلعا دەيٸن-اق تەحنيكالىق شەكتەۋلەرگە بايلانىستى توقتاتىلعان. بۇل تۋرالى ەنەرگەتيكا مينيسترلٸگٸنٸڭ باسپاسٶز قىزمەتٸ مەلٸمدەدٸ, دەپ حابارلايدى dalanews.kz.
11 قاراشادا ۋست-لۋگا پورت ايماعىنا درون قۇلاپ, ٶرت شىققان. لەنينگراد وبلىسىنىڭ گۋبەرناتورى الەكساندر دروزدەنكونىڭ حابارلاۋىنشا, ٶرتتٸ سٶندٸرۋگە قاجەتتٸ كٷشتەر مەن قۇرالدار جۇمىلدىرىلعان. سونداي-اق پورتتاعى ترانسفورماتورلىق قوسالقى ستانتسييا اپاتتى جاعدايدا اجىراتىلعان.
ۋست-لۋگا پورتى قازاقستان مۇنايىن ەكسپورتتاۋعا پايدالانىلاتىن باعىتتاردىڭ بٸرٸ بولعان. الايدا تەحنيكالىق شەكتەۋلەرگە بايلانىستى بۇل مارشرۋت ارقىلى مۇناي جٶنەلتۋ ۋاقىتشا توقتاتىلعان. وسىعان دەيٸن قازاقستان ەنەرگەتيكا مينيسترلٸگٸ رەسەيدٸڭ ەنەرگەتيكا ۆەدومستۆوسىنا حات جولداپ, پورت ارقىلى مۇناي تاسىمالىن قايتا باستاۋ مەسەلەسٸن كٶتەرگەن. بۇل تۋرالى 5 قاراشادا «ينتەرفاكس-قازاقستان» اگەنتتٸگٸنە بەرٸلگەن جاۋاپتا ايتىلعان.
مينيسترلٸك مەلٸمەتٸنشە, اتالعان كٶلەمدەگٸ مۇناي باسقا ەكسپورتتىق باعىتتارعا, سونىڭ ٸشٸندە كاسپيي قۇبىر كونسورتسيۋمى (كقك) جٷيەسٸنە قايتا باعىتتالعان.
«قازترانسويل» دەرەكتەرٸنە سەيكەس, 2026 جىلعى شٸلدەدە ۇست-لۋگا باعىتىنا 286 مىڭ توننا, تامىزدا 200 مىڭ توننا قازاقستاندىق مۇناي جٶنەلتٸلگەن. پورت ارقىلى قازاقستاننىڭ كٶمٸرٸ, بيدايى جەنە باسقا دا تاۋارلارى دا ەكسپورتتالعان.
قازٸرگٸ ۋاقىتتا پورتتاعى ٶرتتٸڭ قازاقستاندىق جٷكتەردٸ اۋىستىرىپ تيەۋگە ارنالعان ينفراقۇرىلىمعا ەسەر ەتكەنٸ تۋرالى راستالعان اقپارات جوق. سونداي-اق درون شابۋىلى قازاقستاننىڭ ەكسپورتتىق جەتكٸزٸلٸمدەرٸنە ىقپال ەتكەنٸ جٶنٸندە مەلٸمەت جارييالانباعان.
