"قازترانسويل" 2026 جىلدىڭ العاشقى ون ايىندا 38 ملن 306 مىڭ توننا مۇناي تاسىمالدادى. بۇل بىلتىرعى سەيكەس كەزەڭمەن سالىستىرعاندا 1 ملن 323 مىڭ تونناعا كٶپ, دەپ حابارلايدى dalanews.kz.
Protenge دەرەككٶزٸنٸڭ مەلٸمەتٸنشە, كٶرسەتكٸشتٸڭ ايتارلىقتاي ٶسۋٸنە بٸرنەشە فاكتور ەسەر ەتۋٸ مٷمكٸن. سونىڭ بٸرٸ – بىلتىر درون شابۋىلدارىنان كەيٸن بۇزىلعان ينفراقۇرىلىمنىڭ قالپىنا كەلۋٸ. 2025 جىلى, ەسٸرەسە كاسپيي قۇبىر كونسورتسيۋمىنىڭ نىساندارىنا جاسالعان شابۋىلدار تاسىمال كٶلەمٸنە كەرٸ ەسەر ەتٸپ, مۇناي اعىنىن باسقا باعىتتارعا بۇرۋعا مەجبٷر ەتكەن ەدٸ. بيىل بٸرقاتار باعىتتىڭ قالىپتى جۇمىسىنا قايتا ورالۋى جالپى كٶرسەتكٸشتٸ ارتتىرعان بولۋى ىقتيمال.
مۇنى كاسپيي قۇبىر كونسورتسيۋمى جٷيەسٸنە جٶنەلتٸلگەن مۇناي كٶلەمٸنەن دە بايقاۋعا بولادى. اتالعان باعىتتاعى تاسىمال 897 مىڭ تونناعا ٶسٸپ, 3 ملن 878 مىڭ تونناعا جەتكەن. بىلتىر درون شابۋىلدارىنان ەڭ كٶپ زارداپ شەككەن باعىتتاردىڭ بٸرٸ دە وسى بولاتىن. دەمەك, ينفراقۇرىلىم قالپىنا كەلگەننەن كەيٸن مۇناي اعىنى قايتا جاندانىپ, كٶرسەتكٸشتە ايتارلىقتاي ٶسٸم قالىپتاسقان.
دەگەنمەن «قازترانسويل» رەسمي حابارلاماسىندا تاسىمال كٶلەمٸنٸڭ ارتۋىن درون شابۋىلدارىنان كەيٸنگٸ قالپىنا كەلۋ ٷدەرٸسٸمەن تٸكەلەي بايلانىستىرمايدى. كومپانييا تەك ٶندٸرٸستٸك كٶرسەتكٸشتەردٸڭ ٶزگەرٸسٸن كەلتٸرگەن.
بۇعان قوسا, 2026 جىلعى قاراشادا درون شابۋىلىنا بايلانىستى «اتىراۋ – سامارا» مۇناي قۇبىرى ارقىلى تاسىمال ۋاقىتشا توقتاعانى حابارلاندى. الايدا قۇبىر جۇمىسى كٶپ ۇزاماي قايتا جانداندى.
ٶسٸمگە ٸشكٸ نارىقتاعى سۇرانىس تا ىقپال ەتكەن. قازاقستانداعى مۇناي ٶڭدەۋ زاۋىتتارىنا جەتكٸزٸلگەن شيكٸزات كٶلەمٸ 643 مىڭ تونناعا كٶبەيٸپ, 15 ملن 522 مىڭ تونناعا جەتتٸ.
ال «تۇيمازى – ومبى – نوۆوسٸبٸر-2» مۇناي قۇبىرى ارقىلى تاسىمالدانعان مۇناي كٶلەمٸ 450 مىڭ تونناعا ارتىپ, 10 ملن 214 مىڭ توننانى قۇرادى.
