قازاقستاندا 2026 جىلدىڭ ٷشٸنشٸ توقسانىندا جۇمىسسىزدىق دەڭگەيٸ 4,5 پايىزدى قۇرادى. ال ەل ەكونوميكاسىندا جۇمىسپەن قامتىلعان ازاماتتاردىڭ سانى 9,4 ميلليوننان استى. بۇل ٶتكەن جىلدىڭ سەيكەس كەزەڭٸمەن سالىستىرعاندا 73,3 مىڭ ادامعا كٶپ, دەپ حابارلايدى dalanews.kz.
ۇلتتىق ستاتيستيكا دەرەكتەرٸنە سەيكەس, جۇمىسپەن قامتىلعان 9,4 ميلليون ادامنىڭ 7,25 ميلليونى (77,1%) جالدامالى جۇمىسشىلار بولسا, 2,16 ميلليونى (22,9%) – ٶزٸن-ٶزٸ جۇمىسپەن قامتىعاندار. 15 جاستان اسقان حالىقتىڭ جۇمىسپەن قامتىلۋ دەڭگەيٸ 64,3 پايىزعا جەتكەن.
قازاقستاندىقتار قاي سالادا كٶپ جۇمىس ٸستەيدٸ?
جۇمىسپەن قامتىلعان ازاماتتاردىڭ باسىم بٶلٸگٸ ساۋدا سالاسىندا ەڭبەك ەتەدٸ. بۇل سالاداعى جۇمىسشىلاردىڭ ٷلەسٸ 16,8 پايىز. ودان كەيٸنگٸ ورىنداردا بٸلٸم بەرۋ (13,3%), ٶنەركەسٸپ (12,6%) جەنە اۋىل شارۋاشىلىعى (10,5%) سالالارى تۇر.
جاستار اراسىنداعى جۇمىسسىزدىق دەڭگەيٸ قانداي?
15–34 جاس ارالىعىنداعى جاستار اراسىنداعى جۇمىسسىزدىق دەڭگەيٸ 2,9 پايىز بولدى. ال NEET ساناتىنا جاتاتىن, ياعني جۇمىس ٸستەمەيتٸن ەرٸ بٸلٸم المايتىن جاستاردىڭ ٷلەسٸ 5,6 پايىزدى قۇرادى. ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, 2026 جىلعى قىركٷيەكتٸڭ سوڭىندا جۇمىسپەن قامتۋ ورگاندارىندا 346,9 مىڭ جۇمىسسىز تٸركەلگەن. بۇل ەلدەگٸ جۇمىس كٷشٸنٸڭ 3,5 پايىزىنا تەڭ.
