Irannyń Islam revoliýtsiiasy saqshylary korpýsy Bahreindegi amerikalyq radiolokatsiialyq erte eskertý stantsiiasyna soqqy jasaǵanyn málimdedi, dep habarlaidy dalanews.kz.
Tasnim agenttigi málimetinshe, korpýs bul shabýyldy AQSh-qa baǵyttalǵan eskertý dep ataǵan. Iran tarapynyń málimdeýinshe, soqqynyń maqsaty - qarsylastyń áýe shabýyldary men Ormýz buǵazy arqyly munai kontrabandasyn toqtatýǵa májbúrleý.
Irannyń memlekettik aqparat quraldary dereginshe, bul shabýyl AQSh-tyń eldiń ońtústigindegi Hormozgan provintsiiasyna qarasty Sirik aýdanyndaǵy telekommýnikatsiia munarasyna áýe soqqysyn jasaǵanyna jaýap retinde uiymdastyrylǵan. Iran tarapy bul nysanǵa beisenbide shabýyl jasalǵanyn habarlaǵan.
Tasnim agenttigi taratqan málimdemede Islam revoliýtsiiasy saqshylary korpýsy bul áreketti "jaýǵa jasalǵan qatań eskertý" dep atap, mundai shabýyldar qaitalansa, korpýstyń Áýe-ǵarysh kúshteri esh shekteýsiz áreket etýge daiyn ekenin jetkizgen.
Alaida Irannyń soqqy týraly málimdemesin ázirge táýelsiz derekkózder rastaǵan joq. AQSh pen Bahrein biligi de bul aqparatqa qatysty túsinikteme bermegen. Bahreinde AQSh Áskeri-teńiz kúshteriniń 5-flotynyń shtab-páteri ornalasqan.
