Astananyń terrorizmge qarsy kúres jónindegi jedel shtaby 13 qarashada josparly antiterrorlyq oqý-jattyǵý ótetinin eskertti, dep habarlaidy dalanews.kz.
Oqý-jattyǵý saǵat 09:00-den 18:00-ge deiin Qarqaraly tasjoly, 15 mekenjaida ornalasqan Qazaq sport jáne týrizm akademiiasy mańynda ótedi.
"Is-sharanyń maqsaty - quqyq qorǵaý jáne arnaýly organdardyń terrorizm kórinisterine shuǵyl den qoiý mindetterin oryndaýǵa daiyndyǵyn tekserý", – dep jazylǵan habarlamada.
Osyǵan bailanysty bul aýmaqta jaiaý júrginshiler men kólik qozǵalysyna ýaqytsha shekteý engiziledi.
Shtab turǵyndardy oqý-jattyǵý sharalaryna túsinistikpen qaraýǵa, qaýipsizdik sharalaryn saqtaýǵa, memlekettik organdar qyzmetkerleriniń zańdy talaptaryn oryndaýǵa, tek resmi aqparat kózderine senýge jáne jalǵan aqparat taratpaýǵa shaqyrdy.
