Dúniejúzilik bank tobyna kiretin Investitsiialarǵa kepildik berý jónindegi kópjaqty agenttik (MIGA) Qazaqstandaǵy jańartylatyn energetika jobalaryn qarjylandyrýǵa qoldaý bildirdi. Atap aitqanda, Germaniianyń damý banki KfW Qazaqstannyń Damý bankine bergen 200 mln dollar kólemindegi nesiege kepildik usynady, dep habarlaidy dalanews.kz.
MIGA basqarýshy direktory Tsýtomý Iamamotonyń aitýynsha, Qazaqstan 2060 jylǵa qarai kómirtegi beitaraptyǵyna qol jetkizýdi jáne áielder úshin sapaly jumys oryndarynyń sanyn arttyrýdy maqsat etip otyr. Agenttik pen Dúniejúzilik bank toby osy mindetterdi júzege asyrýǵa qoldaý kórsetýge daiyn.
«MIGA men Dúniejúzilik bank toby damý salasyndaǵy negizgi eki seriktesimiz - Qazaqstannyń Damý banki jáne KfW qatysatyn mańyzdy joba arqyly eldiń osy maqsattarǵa jetýine qoldaý kórsetýge qýanyshty», - dedi Tsýtomý Iamamoto.
Qarjylandyrý Qazaqstanda jel jáne kún elektr stantsiialaryn damytýǵa baǵyttalǵan jańartylatyn energetika jobalaryn qoldaýǵa jumsalady. MIGA málimetinshe, bul bastama eldiń qazba otynǵa táýeldiligin azaityp, taza energetika salasynda jańa jumys oryndaryn ashýǵa múmkindik beredi.
Agenttik keltirgen resmi derekterge sáikes, 2025 jyly Qazaqstandaǵy elektr energiiasyn óndiretin qýattardyń jartysynan astamy kómir elektr stantsiialaryna tiesili bolǵan. Olardyń kópshiligi uzaq ýaqyttan beri paidalanylyp keledi. Al jańartylatyn energiia kózderiniń elektr energiiasyn óndirýdegi úlesi 13,5 paiyzdy quraǵan.
Joba Dúniejúzilik bank tobynyń Qazaqstanǵa energetikalyq júieni neǵurlym taza ári turaqty baǵytqa kóshirý jónindegi keshendi qoldaýynyń bir bóligi sanalady.
MIGA - Dúniejúzilik bank tobynyń quramyndaǵy agenttik. Ol damýshy elderge investitsiia tartýǵa járdemdesý úshin saiasi táýekelderdi saqtandyrý, kredit sapasyn arttyrý quraldary men saýdany qarjylandyrý aiasyndaǵy kepildikter usynady.
