Семейде тәртіп сақшылары теміржол маңынан жеті жасар баланы байқап, үйіне жеткізді, деп хабарлайды dalanews.kz.
Жеті жасар баланың сол кешке өз жоспары болған. Полицияның мәліметінше, ол пойыздарды көргісі келген. Ата-анасы үйде жоқ кезде ол теміржолға қарай бет алған. Қараңғы түскеніне қарамастан, баланың қызығушылығы қауіпсіздік туралы ойдан басым түскен.
Сағат 19:40 шамасында рельс маңында жалғыз жүрген баланы патрульдік полиция ротасының қызметкерлері байқап қалған. Олар түнгі патрульге шығар алдында Бозтаев көшесіндегі жанармай құю бекетіне тоқтаған.
Полицейлер бала не себепті мұнда жалғыз жүргенін анықтау үшін қасына барған. Бала пойыздарды көргісі келгенін айтып, Комсомол кенті маңындағы жеке тұрғын үйде тұратынын жеткізген.
Тәртіп сақшылары баланы үйіне жеткізіп, ата-анасына тапсырды.
