استاناداعى №87 «قادىر» مەملەكەتتٸك بالاباقشاسىندا تەربيەلەنٸپ جٷرگەن قىز بالاعا كٷش قولدانىلدى دەگەن شاعىمنان كەيٸن پوليتسييا قىلمىستىق ٸس قوزعادى. وقيعاعا قاتىستى تەرگەۋ امالدارى جٷرگٸزٸلٸپ جاتىر, دەپ حابارلايدى dalanews.kz.
Telegram جەلٸسٸندەگٸ KöpSöz ارناسىنىڭ مەلٸمەتٸنشە, شاعىم مەڭگٸلٸك ەل داڭعىلىندا ورنالاسقان №87 «قادىر» بالاباقشاسىنا قاتىستى تٷسكەن.
بالانىڭ تۋىسىنىڭ ايتۋىنشا, بٸرنەشە اي بويى بٷلدٸرشٸنگە مەكەمە قىزمەتكەرلەرٸ تاراپىنان كٷش قولدانىلعان بولۋى مٷمكٸن. ەيەلدٸڭ سٶزٸنشە, مۇنداي جاعدايلار بۇعان دەيٸن دە بولعان. ال سوڭعى وقيعادا تەربيەشٸ تاعى دا بالاعا كٷش كٶرسەتكەن.
تۋىسىنىڭ ايتۋىنشا, تەربيەشٸ ٶز ەرەكەتٸن قىز بالانىڭ قاشۋعا تىرىسقانىمەن تٷسٸندٸرگەن. پەداگوگ بالانى قولىمەن ابايسىزدا قاعىپ كەتكەنٸن ايتقان.
وسى جاعدايدان كەيٸن بالانىڭ تۋىستارى پوليتسيياعا ارىزدانعان.
ەسٸل اۋداندىق پوليتسييا باسقارماسى اتالعان دەرەك بويىنشا قىلمىستىق ٸس قوزعالعانىن حابارلادى. قازٸر قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر. تەرگەۋ مٷددەسٸنە بايلانىستى ٶزگە اقپارات جارييالانبايدى.
پوليتسييا قىلمىستىق ٸستٸڭ ناقتى قاي باپ بويىنشا تەرگەلٸپ جاتقانىن ەزٸرگە حابارلاعان جوق.
