"حابار" اگەنتتٸگٸ مۋلتيمەديالىق جەنە تەلەراديو حابارلارىن تاراتۋعا ارنالعان جابدىقتاردى قارجىلاي ليزينگ ارقىلى ساتىپ الۋدى جوسپارلاپ وتىر. مەملەكەتتٸك ساتىپ الۋ پورتالىنداعى لوتتىڭ جالپى قۇنى 228 ملن تەڭگەگە باعالانعان, دەپ حابارلايدى dalanews.kz.
Goszakupturaly دەرەككٶزٸنٸڭ مەلٸمەتٸنشە, ەدەتتە ليزينگ تەتٸگٸ پوليتسييا مەن تٶتەنشە جاعدايلار قىزمەتٸنە قاجەتتٸ كٶلٸكتەردٸ, اۆتوبۋستاردى, مەديتسينالىق جابدىقتاردى نەمەسە ورمان ٶرتٸن ەرتە انىقتاۋ جٷيەلەرٸ سەكٸلدٸ قىمبات كەشەندەردٸ الۋ كەزٸندە قولدانىلادى. ال بۇل جولى تاپسىرىس بەرۋشٸ تەلەۆيزييالىق ٶندٸرٸس پەن حابار تاراتۋعا قاجەتتٸ تەحنيكانى تاڭداعان.
"ساتىپ الىناتىن جابدىقتاردىڭ قاتارىندا Dell Pro Max Tower T2 Desktop جۇمىس ستانتسييالارى, HP Z8 G5 جەنە Nvidia RTX 6000 نەگٸزٸندەگٸ سەرۆەرلەر, سونداي-اق Apple Mac Studio M5 Ultra كومپيۋتەرلەرٸ بار. تٸزٸمدە بۇدان بٶلەك تە بٸرقاتار مۋلتيمەديالىق قۇرىلعى كٶرسەتٸلگەن", - دەيدٸ دەرەككٶز.
تەحنيكانى نەلٸكتەن تٸكەلەي ساتىپ الماي, ليزينگكە رەسٸمدەۋ تۋرالى شەشٸم قابىلدانعانى ەزٸرگە بەلگٸسٸز. مۇنىڭ بٸر سەبەبٸ ساتىپ الۋ قۇجاتتارىندا قاجەتتٸ تاۋارلاردىڭ ناقتى ماركاسى مەن مودەلٸن كٶرسەتۋ مٷمكٸندٸگٸنە بايلانىستى بولۋى مٷمكٸن. ٶيتكەنٸ مەملەكەتتٸك ساتىپ الۋدا برەندتٸ دەل اتاۋعا كٶبٸنە قولدانىستاعى جابدىقتى تولىقتىرۋ كەزٸندە نەمەسە ليزينگ رەسٸمدەلگەن جاعدايدا عانا جول بەرٸلەدٸ.
"قۇجاتتاعى باعالار دا نازار اۋدارتادى. مەسەلەن, بٸر Apple Mac Studio M5 Ultra كومپيۋتەرٸنٸڭ شەكتٸ قۇنى 11 551 724 تەڭگە 14 تيىن دەپ بەلگٸلەنگەن. اقش نارىعىندا مۇنداي قۇرىلعىلاردىڭ باعاسى شامامەن 6 مىڭ دوللاردان باستالادى. ەرينە, قازاقستانداعى جەتكٸزۋ, سالىق, كەپٸلدٸك قىزمەتٸ مەن نارىق ەرەكشەلٸكتەرٸ باعاعا ەسەر ەتۋٸ مٷمكٸن. دەگەنمەن ەر پوزيتسييا قۇنىنىڭ تيىنىنا دەيٸن ەسەپتەلۋٸ بۇل سومالاردىڭ قالاي قالىپتاسقانىنا قاتىستى سۇراق تۋعىزادى", - دەپ تولىقتىردى ارنا.
ەندٸگٸ مەسەلە - ليزينگ قىزمەتٸن قاي ۇيىم كٶرسەتەتٸنٸ. دەرەككٶزدٸڭ جازۋىنشا, مەملەكەتتٸك مەكەمەلەر ٶتكٸزەتٸن مۇنداي كونكۋرستاردا ٶنەركەسٸپتٸ دامىتۋ قورى جيٸ جەڭٸمپاز اتانادى.
"ەگەر بۇل ساتىپ الۋدا دا اتالعان قور جەڭٸسكە جەتسە, مەملەكەتتٸك ليزينگ تەجٸريبەسٸندەگٸ ەرەكشە جاعدايلاردىڭ بٸرٸ بولماق", – دەپ جازادى GoszakupTuraly.
ەزٸرگە كونكۋرس قورىتىندىسى شىقپادى. Apple كومپيۋتەرلەرٸ مەن حابار تاراتۋ جابدىقتارىن ليزينگكە بەرەتٸن كومپانييا ساتىپ الۋ اياقتالعاننان كەيٸن بەلگٸلٸ بولادى.
