قازاقستان مۇسىلماندارى دٸني باسقارماسى كٷندەلٸكتٸ قولدانىستاعى كەيبٸر اراب سٶزدەرٸن قازاقشا بالامالارىمەن الماستىرۋدى ۇسىندى. وسىعان بايلانىستى دٸني باسقارما قازاق تٸلٸندە قولدانۋعا بولاتىن سٶزدەردٸڭ تٸزٸمٸن جارييالادى, دەپ حابارلايدى dalanews.kz.
بۇل ۇسىنىس مەملەكەت باسشىسىنىڭ بۇرىننان كەلە جاتقان قازاقى سٶزدەر مەن تٸركەستەردٸڭ ورنىنا اراب تٸلٸندەگٸ سٶزدەردٸ قولدانۋ مەسەلەسٸنە قاتىستى ايتقان پٸكٸرٸنەن كەيٸن كٶتەرٸلدٸ.
الايدا بۇل باستاما شەتەلدٸك سٶزدەردٸ قولدانۋعا تىيىم سالۋدى كٶزدەمەيدٸ. دٸني باسقارمانىڭ ۇسىنىستارى تەك كٷندەلٸكتٸ قارىم-قاتىناستا قازاق تٸلٸندەگٸ قالىپتاسقان سٶزدەردٸ كٶبٸرەك قولدانۋعا باعىتتالعان. ال دٸني قۇلشىلىق كەزٸندە اراب تٸلٸندەگٸ سٶزدەر بۇرىنعىداي ساقتالادى.
مەسەلەن, قمدب «يفتار» سٶزٸنٸڭ ورنىنا «اۋىزاشار», ال «سۋحۋر» سٶزٸنٸڭ ورنىنا «سەرەسٸ» اتاۋىن قولدانۋعا كەڭەس بەرەدٸ.
سونداي-اق «احي», «ۋحتي», «ابلا», «ابي» دەگەن قاراتپا سٶزدەردٸ جەنە «برات», «سەسترا» اتاۋلارىن قازاقشا بالامالارىمەن الماستىرۋ ۇسىنىلعان. ولاردىڭ ورنىنا «باۋىرىم», «اعام», «ٸنٸم», «ەپكەم», «اپام», «قارىنداسىم» دەگەن سٶزدەردٸ قولدانۋعا بولادى.
دٸني باسقارمانىڭ پٸكٸرٸنشە, مۇنداي ۇسىنىستار كٷندەلٸكتٸ تٸلدە قازاقى سٶزدەردٸڭ قولدانىسىن كەڭەيتۋگە مٷمكٸندٸك بەرەدٸ.
