Ýkraina prezidenti Vladimir Zelenskii AQSh ókilderi Stiv Ýitkoff jáne Djared Kýshnermen Dýblinde ótken kezdesý qorytyndysy boiynsha Reseimen áskeri tutqyn almasý jóninde kelisimge qol jetkizilgenin málimdedi. Onyń aitýynsha, aldaǵy almasý nátijesinde myńnan astam ýkrain azamaty elge oralýy múmkin, dep habarlaidy dalanews.kz.
Reuters agenttiginiń habarlaýynsha, taraptar kelesi beibit kelissózder kezeńine Eýropa ókilderin qatystyrý jóninde de ýaǵdalasqan. Bul bastama Ýkraina men Resei arasyndaǵy aýmaqtyq máselelerdi, sondai-aq soǵystan keiingi Eýropanyń qaýipsizdik júiesin talqylaýǵa múmkindik beredi.
AQSh prezidentiniń arnaiy ókili Djared Kýshner aldaǵy tutqyn almasý soǵys bastalǵaly bergi eń aýqymdy gýmanitarlyq kelisim bolýy múmkin ekenin aitty. Onyń sózinshe, bul myńdaǵan adamnyń otbasymen qaita qaýyshýyna jol ashady.
Zelenskii de kelissózderdegi bul nátijeni mańyzdy qadam dep baǵalady. Ol tutqyn almasýdyń naqty merzimi men qatysýshylar sany ázirge jariialanbaǵanyn aitty.
Sonymen qatar taraptar arasynda birqatar mańyzdy másele boiynsha kelispeýshilik saqtalyp otyr. Ásirese aýmaqtyq talaptar men Ýkrainanyń qaýipsizdik kepildikterine qatysty ortaq ustanym qalyptaspaǵan.
Resei prezidenti Vladimir Pýtin Eýropa ókilderiniń kelesi kelissózderge qatysýyna kelisim bergenimen, Máskeý Eýropanyń qaýipsizdik arhitektýrasyn qaita qaraý máselesin de talqylaýdy talap etip otyr.
AQSh ókilderi kelissózderde ilgerileýshilik bar ekenin aitqanymen, túiindi máseleler boiynsha áli de eleýli aiyrmashylyqtar bar ekenin moiyndady.
