Djensen Hýang Nvidia basshylyǵyna qaita oralýy múmkin – BAQ

Djensen Hýang Nvidia basshylyǵyna qaita oralýy múmkin – BAQ
Djensen Hýang. Foto: Nadja Wohlleben/Getty Images

Nvidia kompaniiasynyń bas direktory qyzmetine Djensen Hýangtyń qaita oralýy múmkin ekeni aityldy. Bul týraly Financial Times basylymy jazdy, dep habarlaidy dalanews.kz.

Basylym málimetinshe, Kremnii alqabyndaǵy Hýangtyń jaqtastary ony kompaniia basshylyǵyna qaita taǵaiyndaý úshin kúsh biriktirip jatyr. Olar osy bastamaǵa direktorlar keńesiniń qoldaýyn alýdy kózdep, Aq úidi de óz jaǵyna tartýǵa tyrysýda.

Al Nvidia direktorlar keńesi ázirge táýelsiz tergeýdi jalǵastyryp, kompaniianyń jańa bas direktory qyzmetine Arm basshysy Rene Haastyń kandidatýrasyn qarastyryp jatyr.

Hýangtyń qaita oralýyna AQSh biligi de qarsy bolýy múmkin. AQSh Qarjy ministri Skott Bessent buǵan deiin Nvidia kompaniiasynyń basshylyǵynda aýqymdy ózgerister jasaý qajettigin aitqan.

Eske salaiyq, 13 qarashada Nvidia kompaniiasynyń basshysy Djensen Hýang qyzmetinen ketkeni týraly habarlaǵan edik. 

Nvidia direktorlar keńesi Djensen Hýangtyń qyzmetinen ketkenin habarlaǵan. Onyń ókilettigi dereý toqtatyldy.

Hýang 1993 jyly kompaniianyń negizin qalaǵan sátten bastap ony 33 jyl boiy basqardy. Osy ýaqyt ishinde Nvidia kompiýterlik grafikaǵa arnalǵan chipter óndirýshisinen jasandy intellekt tehnologiialary salasyndaǵy álemdik kóshbasshylardyń birine ainaldy.