Qazaqstanda rieltorlardyń komissiia alý tártibi ózgerýi múmkin

Qazaqstanda rieltorlardyń komissiia alý tártibi ózgerýi múmkin
Foto: freepik.com

Elimizde jyljymaityn múlik deldaldarynyń qyzmetin zańnamalyq turǵydan retteý josparlanyp otyr. Saýda jáne integratsiia ministrligi depýtattarmen birlesip, rieltorlar jumysyna qoiylatyn jańa talaptardy ázirleýde, dep habarlaidy dalanews.kz.

Usynylyp otyrǵan ózgeristerge sáikes, rieltorǵa júginbegen azamattan komissiia óndirip alýǵa jol berilmeýi múmkin. Máselen, baspanany óz betimen taýyp, satyp alýǵa nemese jalǵa alýǵa kelgen adam deldal qyzmetine tapsyrys bermese, odan aqy talap etýge tyiym salynbaq.

Sonymen qatar rieltor kórsetetin qyzmettiń baǵasy, komissiia kólemi jáne eki taraptyń mindetteri aldyn ala jasalǵan kelisimshartta ashyq ári naqty jazylýǵa tiis.

Budan bólek, jyljymaityn múlik deldaldarynyń kásibi daiarlyǵyn tekserý usynylyp otyr. Aldaǵy ýaqytta rieltorlyq qyzmet retteletin kásip túrleriniń qataryna engizilýi yqtimal. Bul talaptar naryqtaǵy túsiniksiz tólemderdi azaityp, azamattardyń quqyǵyn qorǵaýǵa baǵyttalǵan.