Shyǵys Qazaqstan oblysyndaǵy Shilikti óńirinde ornalasqan saq qorǵandaryna aýyr tehnikamen zaqym keltirilgeni týraly aqparat tarady. Áleýmettik jelide taraǵan málimetke sáikes, 13 qarashada qorǵandardyń ústinen býldozer júrgen, dep habarlaidy dalanews.kz.
Áleýmettik jelide Shilikti óńirinde túsirilgen beinejazba tarady. Videoǵa qosa berilgen aqparatta 13 qarasha kúni saq qorǵandarynyń ústinen býldozer ótkeni aitylǵan.
Alaida ázirge beinejazbanyń naqty qai jerde túsirilgeni, aýmaqta qandai jumystar júrgizilgeni jáne tarihi eskertkishterge shynymen zaqym kelgen-kelmegeni belgisiz.
Shilikti óńiri – Qazaqstannyń kóne tarihy úshin mańyzy zor arheologiialyq aimaqtardyń biri. Munda saq dáýirinen qalǵan kóptegen qorǵan bar. Sondyqtan tarihi muraǵa qatysty taraǵan bul aqparat qoǵamda alańdaýshylyq týǵyzdy.
Osyǵan bailanysty jaýapty organdardan jaǵdaidy anyqtap, oqiǵaǵa qatysty resmi túsinikteme berý suraldy. Másele Shyǵys Qazaqstan oblysynyń prokýratýrasy men mádeniet salasyna jaýapty organdardyń nazaryna usynyldy.
Ázirge quzyrly mekemelerdiń resmi jaýaby jariialanǵan joq.