Aýyldaǵy ahýal ózgerdi: Halyq mal ustaýdy azaitty

Aýyldaǵy ahýal ózgerdi: Halyq mal ustaýdy azaitty
Foto: primeminister.kz

Qazaqstanda keiingi 20 jylda aýyl sharýashylyǵynyń qurylymy aitarlyqtai ózgerdi. Mal basynyń basym bóligi endi jeke aýlalarda emes, agroqurylymdar men fermerlik qojalyqtarda shoǵyrlanyp otyr. Bul týraly Ulttyq statistika biýrosy 2025 jylǵy aýyl sharýashylyǵy sanaǵynyń qorytyndysynda málimdedi, dep habarlaidy dalanews.kz.

Sanaq deregine súiensek, 2006 jyly aýyl sharýashylyǵy qurylymdary eldegi maldyń nebári 20 paiyzyn ielense, qazir bul kórsetkish 68 paiyzǵa jetken. Al jeke qosalqy sharýashylyqtardyń úlesi, kerisinshe, 32 paiyzǵa deiin qysqardy.

Sońǵy eki onjyldyqta mal basy birtindep halyqtyń jeke sharýashylyqtarynan uiymdasqan agrarlyq sektorǵa aýysqan. Qazir maldyń úshten ekisinen astamy aýyl sharýashylyǵy qurylymdarynyń ieliginde.

Egin sharýashylyǵynda da eleýli ózgeris bar. Eldegi egistik kólemi 18,3 million gektardan 23,2 million gektarǵa deiin keńeigen. Alaida alqaptardyń qurylymy burynǵydai bir ǵana baǵytqa táýeldi emes. Dándi daqyldardyń úlesi 81 paiyzdan 69 paiyzǵa azaisa, maily daqyldar 4 paiyzdan 17 paiyzǵa deiin kóbeigen. Bul sharýalardyń naryqtaǵy suranysqa qarai tabysy joǵary ónimderge bet bura bastaǵanyn ańǵartady.

Agrarlyq salada jumys isteitin sýbektiler sany da artqan. Jiyrma jyl buryn elde 204 myń aýyl sharýashylyǵy qurylymy bolsa, qazir olardyń qatary 290 myńǵa jetti. Aýyl sharýashylyǵy kásiporyndarynyń sany 9,5 myńnan 21 myńǵa deiin kóbeidi. Al sharýa jáne fermer qojalyqtary men osy baǵytta eńbek etetin jeke kásipkerlerdiń jalpy sany 269 myńdy qurady.