قازاقستاندا كەيٸنگٸ 20 جىلدا اۋىل شارۋاشىلىعىنىڭ قۇرىلىمى ايتارلىقتاي ٶزگەردٸ. مال باسىنىڭ باسىم بٶلٸگٸ ەندٸ جەكە اۋلالاردا ەمەس, اگروقۇرىلىمدار مەن فەرمەرلٸك قوجالىقتاردا شوعىرلانىپ وتىر. بۇل تۋرالى ۇلتتىق ستاتيستيكا بيۋروسى 2025 جىلعى اۋىل شارۋاشىلىعى ساناعىنىڭ قورىتىندىسىندا مەلٸمدەدٸ, دەپ حابارلايدى dalanews.kz.
ساناق دەرەگٸنە سٷيەنسەك, 2006 جىلى اۋىل شارۋاشىلىعى قۇرىلىمدارى ەلدەگٸ مالدىڭ نەبەرٸ 20 پايىزىن يەلەنسە, قازٸر بۇل كٶرسەتكٸش 68 پايىزعا جەتكەن. ال جەكە قوسالقى شارۋاشىلىقتاردىڭ ٷلەسٸ, كەرٸسٸنشە, 32 پايىزعا دەيٸن قىسقاردى.
سوڭعى ەكٸ ونجىلدىقتا مال باسى بٸرتٸندەپ حالىقتىڭ جەكە شارۋاشىلىقتارىنان ۇيىمداسقان اگرارلىق سەكتورعا اۋىسقان. قازٸر مالدىڭ ٷشتەن ەكٸسٸنەن استامى اۋىل شارۋاشىلىعى قۇرىلىمدارىنىڭ يەلٸگٸندە.
ەگٸن شارۋاشىلىعىندا دا ەلەۋلٸ ٶزگەرٸس بار. ەلدەگٸ ەگٸستٸك كٶلەمٸ 18,3 ميلليون گەكتاردان 23,2 ميلليون گەكتارعا دەيٸن كەڭەيگەن. الايدا القاپتاردىڭ قۇرىلىمى بۇرىنعىداي بٸر عانا باعىتقا تەۋەلدٸ ەمەس. دەندٸ داقىلداردىڭ ٷلەسٸ 81 پايىزدان 69 پايىزعا ازايسا, مايلى داقىلدار 4 پايىزدان 17 پايىزعا دەيٸن كٶبەيگەن. بۇل شارۋالاردىڭ نارىقتاعى سۇرانىسقا قاراي تابىسى جوعارى ٶنٸمدەرگە بەت بۇرا باستاعانىن اڭعارتادى.
اگرارلىق سالادا جۇمىس ٸستەيتٸن سۋبەكتٸلەر سانى دا ارتقان. جيىرما جىل بۇرىن ەلدە 204 مىڭ اۋىل شارۋاشىلىعى قۇرىلىمى بولسا, قازٸر ولاردىڭ قاتارى 290 مىڭعا جەتتٸ. اۋىل شارۋاشىلىعى كەسٸپورىندارىنىڭ سانى 9,5 مىڭنان 21 مىڭعا دەيٸن كٶبەيدٸ. ال شارۋا جەنە فەرمەر قوجالىقتارى مەن وسى باعىتتا ەڭبەك ەتەتٸن جەكە كەسٸپكەرلەردٸڭ جالپى سانى 269 مىڭدى قۇرادى.